103-ամյա վետերանը կհարցաքննվի Գոհար Ղումաշյանի գործով

Հակակոռուպցիոն դատարանը «Ուժեղ Հայաստան» կուսակցության ներկայացուցիչ Գոհար Ղումաշյանի գործով կհարցաքննի Հայրենական մեծ պատերազմի 103-ամյա վետերան Ռոզալիա Աբգարյանին։

Ինչպես հայտնում են ԶԼՄ-ները, Աբգարյանի հարցաքննությունը նախատեսված էր այսօր կայացած դատական նիստի ընթացքում, սակայն վետերանի առողջական վիճակի պատճառով դատարանը որոշել է նրա հարցաքննությունն անցկացնել տեսակապի միջոցով՝ հաջորդ դատական նիստի ընթացքում։

Ռոզալիա Աբգարյանը Հայրենական մեծ պատերազմի մասնակից և վետերան է։ Նա 1941-1945 թվականներին ծառայել է որպես կապավոր, մասնակցել է մի շարք ռազմական գործողությունների և պատերազմի տարիներին երկու անգամ վիրավորվել։

Հիշեցնենք՝ «Ուժեղ Հայաստան» կուսակցության անդամ Գոհար Ղումաշյանին մեղադրում են նախընտրական շրջանում բարեգործություն իրականացնելու արգելքը խախտելու մեջ։

Աղբյուր՝ 24News.am