Արթիկի, Աշոցքի, Արագածի, Գավառի տարածաշրջաններում և Վարդենյաց լեռնանցքում ձյուն է տեղում, իսկ Անիի տարածաշրջանում՝ ձնախառն անձրև
Փետրվարի 19-ին՝ ժամը 16:00-ի դրությամբ, ՀՀ միջպետական և հանրապետական նշանակության բոլոր ավտոճանապարհները բաց են: Այս մասին հայտնում են Ճանապարհային դեպարտամենտից:
Ճանապարհների սպասարկման համար պատասխանատու կազմակերպությունները շարունակում են ավտոճանապարհների մաքրման և աղ-ավազով մշակման աշխատանքները:
Արթիկի, Աշոցքի, Արագածի, Գավառի տարածաշրջաններում և Վարդենյաց լեռնանցքում ձյուն է տեղում, իսկ Անիի տարածաշրջանում՝ ձնախառն անձրև։
Վարդենյաց լեռնանցքը դժվարանցանելի է կցորդով տրանսպորտային միջոցների համար։
Հարգելի՛ վարորդներ, հորդորում ենք լինել ուշադիր, խստագույնս պահպանել ճանապարհային երթևեկության կանոնները և երթևեկել բացառապես ձմեռային անվադողերով։
