Գործադուլը շարունակվում է, ընտանիքներով հավաքվեք ԶՊՄԿ-ի մոտ. գործադուլի համակարգող խմբի անդամ
Տնօրինությունը հիմա գտնվում է հարստացուցիչ ֆաբրիկայում և աշխատանքից հեռացման սպառնալիքների ներքո փորձում է վերագործարկել և այդպիսով կոտրել աշխատավորական ընդվզումը: Հերթափոխը հրաժարվել է վերագործարկել, դուրս է եկել արտադրամասից, գործադուլը շարունակվում է: Այս մասին տեսանյութի միջոցով ասել է գործադուլի համակարգող խմբի անդամ Վահե Մխիթարյանը:
«Համակարգող խորհուրդը որոշում է կայացրել աշխատավորների հետ միասին ընտանիքներով ժամը 13:00-ին հավաքվել ԶՊՄԿ-ի շենքի մոտ. սա արդեն արժանապատվության հարց է, ոչ ոք չի կարող սպառնալիքների, այլ ճնշումների ներքո ստիպել, որ գործարանը վերագործարկվի»,- նշել է նա:
Հիշեցնենք, որ ԶՊՄԿ-ի աշխատողները գործադուլ են հայտարարել՝ պահանջելով աշխատավարձի բարձրացում և աշխատանքային պայմանների բարելավում:
