Վրաստանի նախագահն ու ԱԳ նախարարը հանդիպել են Վենսի և Ռուբիոյի հետ
Վրաստանի նախագահ Միխեիլ Կավելաշվիլին և Արտաքին գործերի նախարար Մակա Բոչորիշվիլին մասնակցել են Միջազգային օլիմպիական կոմիտեի նախագահ Քիրստի Քովենթրիի հրավերով տեղի ունեցած ընդունելությանը:
Այս մասին հայտնել են Վրաստանի նախագահի աշխատակազմից:
Միջոցառման ժամանակ Միխեիլ Կավելաշվիլին և Մակա Բոչորիշվիլին հանդիպել են տարբեր երկրների առաջնորդների, այդ թվում՝ ԱՄՆ փոխնախագահ Ջեյ Դի Վենսի և ԱՄՆ պետքարտուղար Մարկո Ռուբիոյի հետ:
«Զրույցների ընթացքում հատուկ շեշտադրում է արվել երկու երկրների ընդհանուր արժեքների վրա»,-նշված է հայտարարության մեջ:
