ԵՄ երկրները հաստատել են ռուսական գազի ներմուծման լիակատար արգելքը՝ սկսած 2027 թվականից

Երկուշաբթի օրը Եվրամիության երկրները վերջնականապես հաստատել են 2027 թվականից սկսած ռուսական գազի ներմուծումն արգելելու որոշումը՝ իրավաբանորեն պարտավորեցնելով խզել կապերը նախկին գլխավոր մատակարարի հետ, հաղորդել է Reuters-ը։
ԵՄ երկրների նախարարները Բրյուսելում կայացած հանդիպման ժամանակ հաստատել են օրենքը՝ չնայած Սլովակիան և Հունգարիան դեմ են քվեարկել, իսկ Բուլղարիան՝ ձեռնպահ։

Մինչև ռուս-ուկրաինական պատերազմը ռուսական գազի բաժինը ԵՄ-ում կազմում էր ավելի քան 40%: 2025 թվականին ներմուծման բաժինը նվազել է մինչև 13%: