Ձերբակալված դերասանուհի Ագլայա Տարասովան նիստի ժամանակ հայտարարել է, որ զղջում է իր արարքի համար
Դերասանուհի Ագլայա Տարասովան դատական նիստի ժամանակ հայտարարել է, որ զղջում է Ռուսաստանի Դաշնություն թմրանյութեր ներմուծելու փորձի համար։ Այս մասին դատարանի դահլիճից հայտնել է ՏԱՍՍ-ի թղթակիցը։
«Ես ներողություն եմ խնդրում իմ արարքի համար, զղջում եմ դրա համար։ Ես չեմ պատրաստվում թաքնվել, ապրում եմ Ռուսաստանում, բոլոր անձնագրերը հանձնել եմ քննությանը»,-ասել Է դերասանուհին։
Նա նաև դատարանին խնդրել է իրեն տնային կալանքի չուղարկել՝ հիվանդ հարազատներին խնամելու անհրաժեշտության պատճառով:
Հիշեցնենք, որ ավելի վաղ հաղորդել էինք, որ Տարասովան ձերբակալվել է «Դոմոդեդովո օդանավակայանում»:
Նախնական տվյալներով՝ նրա էլեկտրոնային ծխախոտում հայտնաբերվել է կանեփի յուղ:
