Հորդանանը բացել է իր օդային տարածքը
Հորդանանը բացել է իր օդային տարածքը ներքին և տարանցիկ չվերթների համար։ Այս մասին հայտում է Ռիա Նովոստին։
«Օդային տարածքը բաց է, բայց Հորդանան ուղևորվող յուրաքանչյուր ինքնաթիռ պետք է ունենա բավարար վառելիք՝ օդում լրացուցիչ կես ժամ մնալու համար», – հայտնել են Ամմանի միջազգային օդանավակայանի վերահսկողական ծառայությունից։
Ավելի վաղ Հորդանանի օդային երթևեկության կառավարման ծառայությունը հայտնել էր, որ Հորդանանի օդային տարածքը փակվել է տարածաշրջանում իրավիճակի սրման պատճառով, այնուհետև այն մասամբ բացվել է միայն մայրաքաղաքի օդանավակայան թռիչքների համար։
