88 տարեկանում մահացել է Porsche-ի հիմնադրի թոռը՝ Գերհարդ Պորշեն
Ավստրիա13:51 | նոյեմբերի 8, 202688 տարեկանում մահացել է Porsche-ի հիմնադրի թոռը՝ Գերհարդ Պորշեն
լսել հոդվածըԿիսվել
նախընտրելի դարձնել
<!—>]—>
88 տարեկանում մահացել է ավստրիացի ձեռնարկատեր Գերհարդ Պորշեն՝ ավտոմոբիլային գերդաստանի հիմնադիր Ֆերդինանդ Պորշեի թոռը և Ֆերի Պորշեի որդին։ Նա մահացել է հոկտեմբերի 30-ին՝ ընտանիքի անդամներով շրջապատված։ Այս մասին ասվում է ավստրիական Schoosleitner Bestattung հուղարկավորության բյուրոյի հրապարակած մահազդում, հայտնում է Kronen Zeitung-ը։
Գերհարդ Պորշեն հայտնի գործարար ընտանիքի երրորդ սերնդի ներկայացուցիչ էր, սակայն, ի տարբերություն իր եղբոր՝ Վոլֆգանգ Պորշեի, հազվադեպ էր հանրության առջև հայտնվում։ Նա զբաղվում էր բիզնեսով և ներդրումներ էր կատարում Ավստրիայի Կարինթիա դաշնային երկրամասի փոքրիկ Զանկտ Սալվատոր բնակավայրի զարգացման մեջ, որտեղ գտնվում էր նրա երկրորդ նստավայրը։
Նրա նախագծերից մեկը 2010 թվականին բացված ավտոմեքենաների թանգարանն էր։ Հավաքածուում ընդգրկվել են Porsche-ի և այլ մակնիշների, այդ թվում՝ Rolls-Royce-ի ու Bentley-ի հազվագյուտ մոդելներ, մրցարշավային ավտոմեքենաներ, տրակտորներ, մոտոցիկլետներ և մոտոռոլերներ։ Բացի թանգարանից, ձեռնարկատերը միջոցներ է ներդրել նաև հին պանդոկը հյուրանոցի վերածելու և սեմինարների կենտրոն ստեղծելու համար։
Գերհարդ Պորշեն Ֆերի Պորշեի որդին էր, որը ընտանեկան կոնստրուկտորական գործը վերածել էր սպորտային ավտոմեքենաներ արտադրող ընկերության։ Նրա պապը՝ Ֆերդինանդ Պորշեն, ավտոմոբիլային ինժեներ էր և ընկերության հիմնադիրը, որի պատմությունը սկսվել է 1931 թվականին։
Գերհարդ Պորշեի մահվան պատճառը չի հաղորդվում։ Նրա հրաժեշտի արարողությունը նախատեսված է նոյեմբերի 17-ին Ավստրիայի Տալգաու քաղաքում։
<!—>
Հասանելի է
[—>русский
Տեղադրություն
Թեմա
Կազմակերպություն
Աղբյուրը՝ NEWS.am
