Մայքլ Դուգլասը, որպես ՄԱԿ-ի բարի կամքի դեսպան, ժամանել է Կիև

Ամերիկացի հայտնի դերասան Մայքլ Դուգլասը, որպես ՄԱԿ-ի բարի կամքի դեսպան, ժամանել է Կիև՝ մասնակցելու առաջին տիկինների և պարոնների գագաթնաժողովին, որի կազմակերպիչը երկրի առաջին տիկին Ելենա Զելենսկայան է: 

Միջոցառումից առաջ Դուգլասը որդու հետ զբոսնել է Կիևում, ինչպես նաև այցելել եկեղեցի:

«Մայքլ Դուգլասը և նրա որդին հատուկ հյուրեր կլինեն առաջին տիկինների և պարոնների չորրորդ գագաթնաժողովին, որը կկայանա սեպտեմբերի 12-ին»,- հայտնում են ուկրաինական լրատվամիջոցները։

Գագաթնաժողովի հայտարարված նպատակն է ստեղծել միջազգային հարթակ, որը կնպաստի մարդասիրական խնդիրների լուծմանն ամբողջ աշխարհում։