Բաժին : Քաղաքականություն
Օդից վերցրած հայտարարությունն ու պնդումը մեկնաբանելու խնդիր չեմ տեսնում. ՔՊ-ականը՝ Բագրատ Սրբազանի հայտարարության մասին
Չգիտենք որտեղից են գալիս նման հայտարարությունները, ինչ հիմնավորումներով և ինչի համար են արվում:
Այս մասին Խորհրդարանական ճեպազրույցների ժամանակ հայտնեց ՔՊ-ական պատգամավոր Արթուր Հովհաննիսյանը՝ անդրադառնալով Բագրատ Սրբազանի հայտարարությանն այն մասին, որ ՔՊ բարձրաստիճան անդամներ արդեն ներքին ուղերձներ են հղում իրեն, թե ինչպես կարող են միանալ շարժմանը:
«ՀՀ-ն ժողովրդավար երկիր է, հավաքների ազատությունն ապահովված է բոլոր քաղաքացիների համար, 2018թ. ոչ բռնի, թավշյա և ժողովրդական հեղափոխությանից հետո բոլորն ականատես են եղել դրան, մեկնաբանություն չունեմ այլ առնչությամբ: ՔՊ կուսակցությունն այս պահին ամբողջությամբ լծված է ՀՀ անվտանգությունն ապահովելու գործում, սահմանազատման և սահմանագծման գործընթացին, խաղաղության գործընթացն առաջ տանելու գործում»,- նշեց նա:
Լրագրողը ճշտող հարց ուղղեց՝ տեղեկությունը չհերքում և նման մարդկանց լինելիությունը չի բացառելում, որին պատգամավորը պատասխանեց.
«Եթե որևէ հիմնավորում կբերեք, ինչ-որ նյութ կլինի մեկնաբանելու, ապա կմեկնաբանեմ, բայց օդից վերցրած հայտարարություններն ու պնդումները մեկնաբանելու խնդիր չեմ տեսնում»:
Հիշեցնենք, որ երեկ Տավուշի թեմի առաջնորդ Բագրատ արքեպիսկոպոս Գալստանյանը հայտարարել է, որ «Քաղաքացիական պայմանագիր» կուսակցությունից բարձրաստիճան անդամներ ներքին ուղերձներ են հղում, թե ինչպես կարող են միանալ իրենց շարժմանը։