Թայվանում հզոր երկրաշարժերի հետևանքով կան զոհեր և վիրավորներ. Ճապոնիայում ցունամիի վտանգ է հայտարարվել (տեսանյութեր)

Ապրիլի 3-ին Թայվանի արևելյան ափերի մոտ 7,5 և 6,6 մագնիտուդ ուժգնությամբ երկրաշարժեր են գրանցվել։ Դրանց հետևանքով զոհվել է 4 մարդ, վիրավորվել՝ 97-ը, հայտնում է China Times-ը։

Էլեկտրաէներգիայի անջատումներ և տների փլուզումներ են գրանցվել ամբողջ Թայվանում, տեղի բնակիչները նաև բողոքել են 5G կապի հետ կապված խնդիրներից:

Ստորգետնյա ցնցումներ են զգացվել նաև ճապոնական Օկինավա և Միյակո կղզիներում։ Ճապոնիայի ազգային օդերևութաբանական վարչությունը նախազգուշացրել է 3 մ բարձրությամբ ցունամիի սպառնալիքի մասին, երկրաշարժից հետո գրանցվել է ավելի քան 40 հետցնցում՝ մինչև 6,5 մագնիտուդով։

Տեսանյութերը կարող եք դիտել Tert.am-ի թելեգրամյան ալիքում: