Բաժին : Աշխարհ/Տարածաշրջան
Պուտինի հարցազրույցը մոտ մեկ միլիարդ դիտում է հավաքել
ՌԴ նախագահ Վլադիմիր Պուտինի հարցազրույցն ամերիկացի լրագրող Թակեր Կարլսոնի հետ շուրջ մեկ միլիարդ դիտում է հավաքել։ Այս մասին ասել է RT հեռուստաալիքի գլխավոր խմբագիր Մարգարիտա Սիմոնյանը։
Սիմոնյանը նշել է, որ խնդրել է իր գործընկերներին հաշվել դիտումները, չնայած այն բանին, որ դա «բարդ և դժվար» աշխատանք է՝ պայմանավորված այն ռեսուրսների քանակով, որոնցում հրապարակվել է։
«Վստահեցնում եմ, որ այդ թիվը մոտ մեկ միլիարդ է։ Լրագրության պատմության մեջ երբեք նման հարցազրույց չի եղել»,-ասել է նա։
Հիշեցնենք, որ ՌԴ նախագահի հարցազրույցը Կարլսոնի հետ փետրվարի 9-ի գիշերը հրապարակվել է լրագրողի կայքում և X սոցիալական ցանցում։ Առավոտյան այն հրապարակվել է Կրեմլի կայքում։ Առաջին 24 ժամվա ընթացքում Կարլսոնի հրապարակումը X-ում տված հարցազրույցով հավաքել է ավելի քան հարյուր միլիոն դիտում:
