Բաժին : Հայաստան/Արցախ
Ադրբեջանը 30 ավտոբուս է ուղարկել Ստեփանակերտ՝ արցախցիներին Հայաստան տեղափոխելու համար
Ադրբեջանը 30 ավտոբուս է ուղարկել Ստեփանակերտ՝ արցախցիներին Հայաստան տեղափոխելու համար, հայտնում են տեղի լրատվամիջոցները՝ պնդելով, թե Արցախի ներկայացուցիչներն են Բաքվին այս մասին խնդրել։
Ադրբեջանի թվային զարգացման և տրանսպորտի նախարարությունը հայտնել է, որ այս հարցումը բավարարվել է, և սեպտեմբերի 28-ին Ակնա-Ասկերան-Ստեփանակերտ ճանապարհով ուղարկվել է 30 մեծ տարողունակ ավտոբուս։
Այս մեքենաները նախատեսված են Ստեփանակերտում և մերձակա շրջաններում բնակվող և սեփական մեքենա չունեցող քաղաքացիական անձանց տեղափոխելու համար:
Նշենք, որ ժամը 14։00-ի դրությամբ Լեռնային Ղարաբաղից Հայաստան է տարհանվել բռնի տեղահանված 70,500 անձ։ Այս մասին Կառավարության «Հումանիտար կենտրոն»-ի ճեպազրույցի ժամանակ տեղեկացրեց վարչապետի մամուլի խոսնակ Նազելի Բաղդասարյանը։ Վերջինիս փոխանցմամբ՝ նրանցից 50,866-ը հաշվառված է։