Բաժին : Աշխարհ/Տարածաշրջան
Մարդկանց առևանգում և սեռական բռնություն․ ՄԱԿ-ը մեղադրել է Կիևին
2022 թվականի փետրվարի 24-ից Ուկրաինայում այդ երկրի անվտանգության ուժերի կողմից մարդկանց առևանգման և ձերբակալման 91 դեպք է գրանցվել։
Այս տեղեկությունը հայտնել է ՄԱԿ-ում Գերագույն հանձնակատարի գրասենյակի (OHCHR) ղեկավար Ֆոլկեր Թյուրքը, փոխանցում է ՌԻԱ Նովոստի-ն։
«Իմ աշխատակազմը փաստագրել է ուկրաինական ուժերի կողմից հարկադիր անհետացման և կամայական ձերբակալությունների 91 դեպք:
Մեր հարցաքննված 73 տուժածներից 53%-ը ենթարկվել է խոշտանգումների կամ դաժան վերաբերմունքի»,- ՄԱԿ-ի Մարդու իրավունքների խորհրդի 52-րդ նստաշրջանի ընթացքում ունեցած իր ելույթում ասել է Թյուրքը։
Նա նաև ընդգծել է, որ անհետացած և տուժած քաղաքացիները ենթարկվել են ֆիզիկական և սեռական բռնության։ Առևանգումներ ասելով, OHCHR-ը նկատի ունի Ուկրաինայի անվտանգության ուժերի կողմից առանց որևէ ակնհայտ պատճառի ձերբակալություններն և կալանավորումները։