Հանդես ենք գալիս ավելի արդար բազմաբևեռ աշխարհակարգի ձևավորման օգտին՝ հիմնված միջազգային իրավունքի, այլ ոչ թե «ոսկե միլիարդի» կարիքները սպասարկող որոշակի «կանոնների» վրա. Պուտինը հոդված է գրել

Չինական «Ժենմին ժիբաո» («Ժողովրդական օրաթերթ») թերթը հրապարակել է ՌԴ նախագահ Վլադիմիր Պուտինի հոդվածը։ Այս մասին գրում է kommersant.ru-ն:

Դրանում Պուտինը կրկին հանդես է եկել «ավելի արդար բազմաբևեռ աշխարհակարգի ձևավորման» օգտին և հավաստիացրել է «ուկրաինական ճգնաժամի» քաղաքական և դիվանագիտական կարգավորման հարցում պատրաստակամությունը՝ «հաշվի առնելով գերակշռող աշխարհաքաղաքական իրողությունները»։

Ռուսաստանում Սի Ծինփինի հետ հանդիպումից սպասելիքների մասին

Ռուսաստանում Սի Ծինփինի հետ հանդիպումից իր սպասելիքների մասով ՌԴ նախագահը նշել է, որ Ռուսաստանը «մեծ սպասումներ» է կապում Չինաստանի ղեկավարի այցի հետ։

«Սա նաև ինձ համար հիանալի հնարավորություն է տեսնելու հին լավ ընկերոջս, որի հետ մենք ամենաջերմ հարաբերություններն ունենք»,- ասվում է հոդվածում։ Ըստ Պուտինի՝ «երկու երկրների հարաբերությունները իրենց ամբողջ պատմության ընթացքում հասել են ամենաբարձր մակարդակին և շարունակում են ամրապնդվել»։

Աշխարհաքաղաքականության մասին

Ռուսաստանի Դաշնությունը, Չինաստանը և դաշնակիցները հանդես են գալիս «ավելի արդար բազմաբևեռ աշխարհակարգի ձևավորման օգտին, որը հիմնված է միջազգային իրավունքի, այլ ոչ թե որոշակի «կանոնների» վրա, որոնք սպասարկում են «ոսկե միլիարդի» կարիքները»: Չինաստանի գլոբալ անվտանգության նախաձեռնությունը Պուտինը համարում է ռուսական մոտեցումներին համահունչ։

Արևմուտքի հետ հարաբերությունների մասին

«Հավաքական Արևմուտքն» ավելի ու ավելի հուսահատորեն կառչում է արխայիկ դոգմաներից, իր վերացող գերակայությունից՝ վտանգի տակ դնելով ամբողջ պետությունների և ժողովուրդների ճակատագիրը»,- ասվում է հոդվածում։ Պուտինը կարծում է, որ ԱՄՆ քաղաքականությունը՝ «կրկնակի զսպելու Ռուսաստանին և Չինաստանին, ինչպես նաև բոլոր նրանց, ովքեր չեն ենթարկվում ամերիկյան թելադրանքին, դառնում է ավելի սուր և ինքնավստահ»։  Նրա կարծիքով՝ ընթանում է «միջազգային անվտանգության և համագործակցության ճարտարապետության ապամոնտաժում»։ ՌԴ նախագահը հիշեցրել է, որ Միացյալ Նահանգները Ռուսաստանի Դաշնությունը հայտարարել է «անմիջական սպառնալիք», իսկ Չինաստանը՝ «ռազմավարական մրցակից»։

Ուկրաինայի մասին

Պուտինը երախտագիտություն է հայտնել ՉԺՀ-ին «Ուկրաինայում տեղի ունեցող իրադարձությունների հետ կապված հավասարակշռված դիրքորոշման, դրանց նախապատմությունն ու իրական պատճառները հասկանալու համար»։ Նա ողջունել է Պեկինի պատրաստակամությունը՝ «կառուցողական դեր խաղալ ճգնաժամի կարգավորման գործում»: ՌԴ նախագահի խոսքով՝ Մոսկվան պատրաստ է «ուկրաինական ճգնաժամի քաղաքական և դիվանագիտական կարգավորմանը»։ Միաժամանակ նա հիշեցրել է, որ բանակցությունները դադարեցվել են 2022 թվականի ապրիլին «ոչ Ռուսաստանի կողմից»։

«Խաղաղ գործընթացի ապագան կախված է բացառապես լուրջ զրույցի պատրաստակամությունից՝ հաշվի առնելով տիրող աշխարհաքաղաքական իրողությունները։ Ցավոք սրտի, Ռուսաստանին ուղղված վերջնագրային պահանջները միայն խոսում են նման իրողություններից մեկուսացման և ստեղծված իրավիճակից ելք գտնելու անտարբերության մասին»,- ասվում է հոդվածում։

Ասիա-խաղաղօվկիանոսյան տարածաշրջանում Արևմուտքի գործունեության մասին

Ըստ Պուտինի՝ ՆԱՏՕ-ն փորձում է «իր գործունեությանը տալ գլոբալ շրջանակ»։ Նա կարծում է, որ «որոշ ուժեր համառորեն ձգտում են պառակտել ընդհանուր եվրասիական տարածքը «բացառիկ ակումբների» և ռազմական բլոկների ցանցի, որի նպատակն է զսպել երկրների զարգացումը և ոտնահարել նրանց շահերը։

«Սակայն ոչ ոք չի կարողանա հասնել դրան»,- ասել է Պուտինը։

Մեկնաբանություններ
Լրահոս
Loading...
End of content.
No more posts to load.