ՌԴ-ի հավանական թիրախը՝ Ուկրաինայից հետո․ Լավրովն անուն Է ՆՇԵԼ

Մենք բոլորս ցանկանում ենք Ուկրաինայի հետ պատերազմի ավարտը, սակայն գլխավոր գործոնն այս հարցում ոչ թե ժամանակի գործոնն է, այլ արդյունքները Մոսկվայի համար։ 


Այս մասին «Ռոսիա 24» հեռուստաալիքին տված հարցազրույցում ասել է Ռուսաստանի արտգործնախարար Սերգեյ Լավրովը։

«Բոլորն ուզում են, որ Ուկրաինայում իրավիճակն ավարտվի, բայց այստեղ կարևորը ոչ թե ժամանակն է, այլ արդյունքների որակը ռուս ժողովրդի համար»,- ասել է նա։

Բացի այդ, ռուս նախարարը պնդել է, որ ոչ ոք չի փորձում Ուկրաինային համոզել վերադառնալ Ռուսաստանի Դաշնության հետ խաղաղ բանակցություններին։ Նրա կարծիքով, Վլադիմիր Զելենսկին իրեն ոչ թե անկախ գործիչ է զգում, այլ նրան մանիպուլյացիայի են ենթարկում դրսից։ Նա հավելել է, որ այն թեզը, թե Ռուսաստանը հրաժարվում է Ուկրաինայի հարցով բանակցություններից, սուտ է, և Մոսկվան «կշարունակի հերքել դա»։

ՌԴ ԱԳ նախարարը հիշատակել է նաև Մոլդովային և ընդգծել, որ Արևմուտքն այժմ իբր այս երկրին է նայում որպես «հաջորդ Ուկրաինայի», իսկ նրա նախագահ Մայա Սանդուն «պատրաստ է գրեթե ամեն ինչի»։

 

Մեկնաբանություններ
Լրահոս
Loading...
End of content.
No more posts to load.