Պուտինը Պեգովին պարգևատրել է Արիության շքանշանով. Կրեմլ

ՌԴ նախագահ Վլադիմիր Պուտինը ռազմական թղթակից Սեմյոն Պեգովին Արիության շքանշանով է պարգևատրել, հայտնում է Կրեմլի մամուլի ծառայությունը։

«Մասնագիտական պարտքը կատարելիս ցուցաբերած խիզախության, արիության և անձնուրացության համար պետության ղեկավարն իր հրամանագրով լրագրող, ռազմական թղթակից Սեմյոն Պեգովին պարգևատրել է Արիության շքանշանով»,- ասված է ՌԴ նախագահի աշխատակազմի հաղորդագրության մեջ։

Պեգովը Wargonzo թելեգրամյան ալիքի հիմնադիրն է։ Հոկտեմբերին Պեգովը հոսպիտալացվել էր Դոնեցկի մերձակայքում՝ ոտքի վնասվածքով։