Բաժին : Աշխարհ/Տարածաշրջան
Իրանը ներկայացրել է «երկիր-երկիր» դասի բալիստիկ հրթիռ` մինչև 1400 կմ հեռահարությամբ
Իրանի զինված ուժերը հինգշաբթի Թեհրանում անցկացված զորահանդեսի ժամանակ ներկայացրել են «երկիր-երկիր» դասի բալիստիկ հրթիռը, որը կոչվում է «Ռեզվան», գրում է tasnimnews.com-ը:
Այն հեղուկ վառելիքով գործող միաստիճան հրթիռ է, որն ունի անջատվող մարտագլխիկ՝ մինչև 1400 կիլոմետր հեռահարությամբ: Այն կարող է գործարկվել տարբեր ֆիքսված և շարժական հարթակներից:
Շքերթի ժամանակ ցուցադրվել է նաև հրթիռային համակարգ, որը կոչվում է «Խայբար Շեքան»:
Հաղորդվում է, որ «Խայբար Շեքան»-ը երրորդ սերնդի հեռահար հրթիռներից է, որոնք ամբողջովին մշակվել և արտադրվել են Իսլամական հեղափոխության պահապանների կորպուսի օդատիեզերական ստորաբաժանման ռազմական փորձագետների կողմից:
