Բաժին : Մեկնաբանություն
Ուզում եմ ընդգծել ԱԻՆ-ի անձնուրաց ու առանց դադարի աշխատանքը․ Տիգրան Ավինյան
ՀՀ նախկին փոխվարչապետ, «Քաղաքացիական պայմանագիր» կուսակցության վարչության անդամ Տիգրան Ավինյանը ֆեյսբուքյան իր էջում գրառում է արել՝ խոսելով հրագործական արտադրանքի ազատ օգտագործման արգելք սահմանելու անհրաժեշտության մասին։
Գրառումը ներկայացնում ենք ստորև․
«Այսօր այցելել եմ «Սուրմալու» առևտրի կենտրոնում տեղի ունեցած պայթյունի գոտի, ծանոթացել իրավիճակին ու փլուզման հետևանքներին։
Ուզում եմ ընդգծել ԱԻՆ-ի կատարած անձնուրաց ու առանց դադարի աշխատանքը, որը, որպես կառույց, լավ հասկանում է իր առաքելությունը և իրականացնում է անհրաժեշտն ու իր պարտականությունը։
Տեղի ունեցած ողբերգությունը սթափեցնող էր, և առիթ` մտածելու հրավառության, իբրև երևույթի մեր կենցաղում օգտագործելու նպատակահարմարության մասին։ Վերահաստատում եմ իմ համոզմունքը, որ հրագործական արտադրանքի ազատ օգտագործման արգելքը պիտի սահմանվի։
Կրկին ցավակցում եմ անմեղ զոհերի հարազատներին»։
