Հայաստանի հավաքականն առաջին կեսից հետո պարտվում է Շոտլանդիային

Ազգերի լիգայի B դիվիզիոնի երկրորդ տուրի շրջանակում Շոտլանդիայի հավաքականը Գլազգոյի «Համփդեն Պարկ» մարզադաշտում ընդունել է Հայաստանի ազգային հավաքականին։

 

Շոտլանդացիները շատ ակտիվ են սկսել խաղն ու պարբերաբար սպառնում են մեր դարպասին։ Արդեն 28-րդ րոպեին տանտերերն առաջ անցան հաշվի մեջ․ Արմսթրոնգը ձախ եզրից փոխանցում կատարեց դարպասի աջ եզրում գտնվող Էնթոնի Ռալսթոնին, որը մոտ տարածությունից կատարած գլխի հարվածով բացեց խաղի հաշիվը։

 

Այս գոլից հետո ևս շոտլանդացիները, կարելի է ասել, չէին հեռանում մեր տուգանայինից ու կարողացան կրկնապատկել հաշիվը․ 40-րդ րոպեին անկյունայինի խաղարկումից հետո գնդակը հայտնվոց Սկոթ ՄաքՔեննայի մոտ, որը մոտ տարածությունից շատ հեշտությամբ գրավեց Յուռչենկոյի դարպասը։

 

Առաջին կեսին ավելացված 3-րդ րոպեին մրցակիցը ևս մեկ անգամ գրավեց մեր թիմի դարպասը, բայց, ի ուրախություն մեզ, մրցավարը խաղից դուրս վիճակ արձանագրեց։

Այսպիսով, մեր ընտրանին առաջին կեսից հետո պարտվում է 0-2 հաշվով։

   
 

Աղբյուր  ArmSport.am

Մեկնաբանություններ
Լրահոս
Loading...
End of content.
No more posts to load.