Բաժին : Աշխարհ/Տարածաշրջան
Լուգանսկի ազատագրումը մոտենում է ավարտին. Շոյգու
Լուգանսկի Ժողովրդական Հանրապետության ազատագրումը մոտենում է ավարտին. այդ մասին ուրբաթ հայտարարել է ՌԴ պաշտպանության նախարար, բանակի գեներալ Սերգեյ Շոյգուն՝ ռազմական գերատեսչության կոլեգիայում, գրում է ՏԱՍՍ-ը։
«Ռուսական զինված ուժերի խմբերը Լուգանսկի և Դոնեցկի Ժողովրդական Հանրապետությունների ժողովրդական միլիցիայի ստորաբաժանումների հետ շարունակում են ընդլայնել վերահսկողությունը Դոնբասի տարածքների նկատմամբ: Լուգանսկի Ժողովրդական Հանրապետության ազատագրումը մոտենում է ավարտին»,- ասել է նա։
Նրա խոսքով՝ Ուկրաինայի Զինված ուժերը, փորձելով հետաձգել ռուսական զորքերի առաջխաղացումը, տեղի բնակիչներին բաց չեն թողնում քաղաքներից ու ավաններից և նրանց օգտագործում են որպես կենդանի վահան։
«Կիևի վարչակարգը, ցամաքում կրելով պարտություն, ձգտում է որոշ ոլորտներում գոնե կարճաժամկետ հաջողությունների հասնել՝ դրանք ներկայացնելով որպես հիմնական»,- ընդգծել է նախարարը։
