Բաժին : Քաղաքականություն
Տիրապետում եմ ԼՂ բանակցային ամբողջ ինֆորմացիային, որին կարող է տիրապետել Սերժ Սարգսյանը․ Նիկոլ Փաշինյան
Հայաստանը հետապնդում է այդ թվում՝ ինքնորոշման իրավունքի հիման վրա ղարաբաղյան հարցի կարգավորում, բայց մենք պետք է ասենք, որ Մադրիդյան սկզբունքների շրջանակներում ամբողջականության սկզբունք էլ կա։ Այս մասին այսօր մամուլի ասուլիսին ասաց Նիկոլ Փաշինյանը՝ անդրադառնալով արցախյան հարցի կարգավորման բանակցային գործընթացին։
Նա նշեց, որ այն, ինչ ասում է այստեղ և չպետք է չտարբերվի նրանից, ինչ ինքն ասում է բանակցային սեղանի շուրջ։
Վարչապետը նշեց, որ Հայաստանի իշխանությունը ունի առաջնային պատասխանատվություն բանակցություններում, քան Արցախի Հանրապետությունը։
«Այն ամբողջ ինֆորմացիային, որին կարող է տիրապետել Սերժ Սարգսյանը, այդ ամբողջ ինֆորմացիային տիրապետում եմ ես, որովհետև այդ ամբողջ ինֆորմացիան իմ սեղանին դրած է 2018 թվականից, եթե խոսքը ինստիտուցիոնալ բանակցությունների մասին է։ Ես բացառում եմ, որ կարող է լինել օբյեկտիվորեն գոյություն ունեցող մի փաստ, որին ես չեմ տիրապետում կամ 2018 թվականին չեմ տիրապետել»,–ասաց նա։
Նա նշեց, որ աշխատանքային գաղտնիք է բացում և ասաց, որ Անվտանգության խորհրդի անդամներին ուղղված մակագրություն է արել մի փաստաթղթի վրա, որ շատ կարևոր է համարում, որպեսզի համոզվեն, որ բանակցային գործընթացի հետ առնչվող կամ ներգրավված կամ որևէ մի հատվածի տիրապետող մեր պետական ինստիտուտները ճիշտ են հասկացել բանակցային գործընթացի էությունը։