Բաժին : Մեկնաբանություն
«Այսօրվա հայտարարությամբ վերջնականապես հստակեցվեց իրենց պատկերացրած«խաղաղության դարաշրջանի» գինը». Վահե Դավթյան
Քաղաքական գիտությունների դոկտոր, անվտանգության հարցերով փորձագետ Վահե Դավթյանը տելեգրամյան իր ալիքում գրել է․ «Գերիների մասին միայն լրատվամիջոցների հետ հանդիպման ժամանակ խոսելը նշանակում է, որ այդ խնդիրը շարունակելու է կիրառվել որպես մանևրի գործիք հայտարարության կետերը կյանքի կոչելու համար:
Սա Հայաստանի հերթական նվաստացումն է ու միաժամանակ՝ միջազգային իրավունքին հասցված հերթական ապտակ:
Փաստորեն, այսօրվա հայտարարությամբ վերջնականապես հստակեցվեց իրենց պատկերացրած ՛՛խաղաղության դարաշրջանի՛՛ գինը՝ հազարավոր զոհեր, կորսված Արցախ, ապասուբյեկտայնացված երկիր, ահաբեկիչների կարգավիճակ ձեռքբերած ու խոշտանգված հայ գերիներ:
Սա ոչ այլ ինչ է, քան կապիտուլյացիայի վերահաստատում»:
