Սահմանային իրավիճակի մասին ընդդիմության հայտարարությունը չընդունվեց․ իշխանությունը չմասնակցեց քվեարկությանը

Ազգային ժողովում քվեարկության դրվեց ՀՀ ազգային ժողովի ընդդիմադիր և իշխանական խմբակցությունները համաձայնության չեկան «Հայաստանի Հանրապետության եւ Ադրբեջանի Հանրապետության շփման գծում տիրող իրավիճակը եւ սահմանազատման խնդիրները» հրատապ թեմայով քննարկման արդյունքում ընդդիմության կողմից կազմված ԱԺ հայտարարության նախագիծը։

 

Քվեարկությանը տեքստի առնչությամբ կոնսեսուս չլինելու պատճառով ՔՊ–ն չմասնակցեց քվեարկությանը և ԱԺ հայտարարության նախագիծը ստացավ 26 կողմ ձայն ։

Մինչ քվերակությունը «Պատիվ ունեմ» խմբակցությունից Տիգրան Աբրահամյանը ընթերցեց հայտարարության տեքստը։  

 

«Քաղաքացիական պայմանագիր» խմբակցության ղեկավար Հայկ Կոնջորյանը վարման կարգով ասաց, որ քաղաքական մեծամասնությունն այս հայտարարության նախագիծը ստացել է  երեկ՝ օրվա երկրորդ կեսին և իրենք ներգրավված չեն եղել հայտարարության կազմման գործում։ Ամեն դեպքում փորձել են աշխատել ընդդիմադիր գործընկերների հետ՝ ստանալու նախագծի կոնսենսուսային տարբերակ, որը չի հաջողվել:

«Նախագծում տեղ գտած այն դրույթներն ու թեզերը, որոնք վերաբերվում են Ադրբեջանի կողմից սանձազերծված պատերազմին, Ադրբեջանի պատերազմական հանցագործություններին, հակամարդկային գործողություններին, մենք այդ դրույթների հետ որևէ խնդիր չենք տեսնում: Ավելին՝ խորհրդարանական մեծամասնությունն իր բոլոր խողովակներով և գործադիրը բոլոր մակարդակներում պայքարում է նշված խնդիրների միջազգային հանրայնացման և խնդիրների լուծման ուղղությամբ։ Սակայն հայտարարության մեջ տեղ են գտել նաև ներքաղաքական բովանդակություն ունեցող ձևակերպումներ՝ ընդդիմության քաղաքական նարատիվի մաս հանդիսացող մոտեցումներ, որոնք, որ ըստ մեզ չեն կարող տեղ գտնել նման հայտարարության մեջ: Այսպիսով` ընդդիմության հետ իշխանությունը կոնսենսուսի չենք կարողացել հասնել և հետևաբար ՔՊ խմբակցությունը չի մասնակցի քվեարկությանը»,–ասաց նա։

«Հայաստան» դաշինքից Արծվիկ Մինասյանը նշեց, որ ներքաղաքական բնույթի հարցերը բխում են Ազգայի ժողովի Սահմանադրական կարգավիճակից և իրենց կարծիքով այդ ձևակերպումը հնարավորություն է ընդգծել՝ խորհրդարանական կառավարման երկրում պառլամենտի էական դերակատարությունը։

Մեկնաբանություններ
Լրահոս
Loading...
End of content.
No more posts to load.