Երևանում թիվ 54 երթուղին սպասարկող ավտոբուսի վարորդը վրաերթի է ենթարկել հետիոտնի, վերջինս տեղափոխվել է հիվանդանոց․ shamshyan.com

Այսօր՝ հոկտեմբերի 1-ին, վրաերթ է տեղի ունեցել Երևանում: Ժամը 19:50-ի սահմաններում  Higer մակնիշի  թիվ 54 երթուղին սպասարկող ավտոբուսը  Շիրակի և Արարատյան փողոցների խաչմերուկում վրաերթի է ենթարկել կին հետիոտնի:

Ինչպես տեղեկացնում է shamshyan.com-ը, վարորդը փախուստի չի դիմել, ահազանգել է  1-03 շտապօգնություն, օգնել է օպերատիվորեն ժամանած Երևանի 1-03 շտապօգնության բժիշկների հեթապահ խմբին՝  վիրավորին տեղափոխել «Աստղիկ» բժշկական կենտրոն:

Ոստիկանությունը պարզում է  վարորդի և վիրավորի ինքնությունը:
 

Ֆոտոլրագրողը  հայտնում է, որ նշված ավտոբուսը պատկանում է Երևանի քաղաքապետարանի  տրանսպորտի վարչությանը և սպասարկում է Ավան Առինջ-Արարատի մարզի Նորաբաց գյուղ երթուղին:

Վարորդը տեղում ենթարկվել է սթափության փորձաքննության, նա եղել է սթափ:

Մեկնաբանություններ
Լրահոս
Loading...
End of content.
No more posts to load.