Բաժին : Հայաստան/Արցախ
Ջրականում իրականացված որոնողական աշխատանքների ընթացքում զինծառայողի աճյուն չի հայտնաբերվել
Ջրականի շրջանում օգոստոսի 16-ին իրականացված որոնողական աշխատանքներն արդյունք չեն տվել, զոհված զինծառայողի աճյուն կամ մասունք չի հայտնաբերվել:
Այս մասին հաղորդագրություն է տարածել Արցախի ՆԳՆ արտակարգ իրավիճակների պետական ծառայությունը:
«Որոնումների առաջիկա ուղղությունների մասին ՆԳՆ ԱԻ պետական ծառայությունը կտրամադրի հավելյալ տեղեկություն:
2020 թվականի արցախյան պատերազմից անմիջապես հետո սկսված որոնումների ընթացքում, Արցախի կորուսյալ տարածքներից հայտնաբերվել և մինչ օրս տարհանվել է 1634 աճյուն»,- նշված է հաղորդագրության մեջ:
