«Փաստ». ԱԳՆ-ում, մեղմ ասած, միանշանակ չեն ընդունել Արմեն Գրիգորյանի նշանակման փաստը, ոմանք ազատման դիմումներ են գրել

«Ինչպես հայտնի է, օրերս ԱԽ քարտուղար Արմեն Գրիգորյանը նշանակվեց ԱԳ նախարարի առաջին տեղակալի պաշտոնում։ Ավելին՝ մամուլը գրեց, որ հենց Գրիգորյանն է ԱԳ ապագա նախարարը, թեպետ այլ անուններ ևս շրջանառվում են։

 

«Փաստ» թերթի տեղեկություններով, նախարարությունում, շատ մեղմ ասած, այնքան էլ միանշանակ չեն ընդունել Գրիգորյանի նշանակման փաստը, աշխատակազմում անգամ շատ կոշտ արտահայտվողներ են եղել։

ԱԳՆ-ի մեր աղբյուրի փոխանցմամբ, նախարարության աշխատակիցների հիմնական դժգոհությունը կապված է եղել պրոֆեսիոնալ ու պատասխանատու ոլորտում ոչ մասնագետի և դիվանագիտական որևէ պրակտիկա չունեցող կադրի նշանակման հետ, առավել ևս, որ նա հայտնի է ընդգծված աշխարհաքաղաքական դիրքորոշմամբ։ Մենք տեղեկություն ունենք նաև, որ աշխատողներից ոմանք արդեն իսկ իրենց կամքով աշխատանքից ազատման դիմումներ են գրել, իսկ շատերն էլ ակնարկել են, թե չեն պատրաստվում Գրիգորյանի հետ շարունակել իրենց աշխատանքը»,-գրում է թերթը։

 

Մանրամասները՝ թերթի այսօրվա համարում։

Մեկնաբանություններ
Լրահոս
Loading...
End of content.
No more posts to load.