Ֆիլմը դիտելու ընթացքում հնարավորություն ունեի Սերժ Սարգսյանին հարցեր տալու, իսկ հարցերը նոր հարցեր ծնեցին, նկարահանելու ենք մեր զրույցը․ Մհեր Մկրտչյան

Ռեժիսոր Մհեր Մկրտչյանը, որի «Իշխանություն» ֆիլմի պրեմիերան կայացավ վերջերս, գրառում է արել՝ տեղեկացնելով, որ պրեմիերայի ընթացքում իր կողքին նստած ՀՀ երրորդ նախագահ Սերժ Սարգսյանին հարցեր տալու հնարավորություն է ունեցել, ինչից հետո որոշել են նկարահանել նրա հետ զրույցը։

 

«Իշխանություն» ֆիլմի պրեմիերային ես պատահական չէի հայտնվել ՀՀ երրորդ նախագահ Սերժ Սարգսյանի կողքին:

Ես եմ հրավիրել, ես եմ փոխանցել հրավիրատոմսը ու դիմավորել «Մոսկվա» կինոթատրոնի դիմաց:

 

Ֆիլմում իմ ստեղծած կերպարներից մեկն էլ Նախագահի կերպարն է, և ես ունեի հնարավորություն ֆիլմը դիտելու ընթացքում հարցեր տալու նրան:

Իսկ հարցերը նոր հարցեր ծնեցին: Պայմանավորվեցինք խոսել ֆիլմի մեջ տեղ գտած իրականի և ոչ իրականի մասին, ֆիլմի իշխանության և իրական իշխանության մասին: Ու ոչ միայն՝ 2018-ի մասին, մարդկանց մասին... ես ունեմ հարցեր, մենք բոլորս ունենք հարցեր...

Նկարահանելու ենք մեր զրույցը: Ես լրագրող չեմ, մեր զրույցը էդ տեսանկյունից կլինի ոչ պրոֆեսիոնալ, բայց անկեղծ»:

Մեկնաբանություններ
Լրահոս
Loading...
End of content.
No more posts to load.