ՌԴ վարչապետը կմեկնի Մինսկ՝ Լուկաշենկոյի հետ բանակցելու

Ռուսաստանի վարչապետ Միխայիլ Միշուստինն ապրիլի 16-ին կժամանի Մինսկ ՝ Բելառուսի բարձրագույն ղեկավարության հետ բանակցությունների: Այս մասին ապրիլի 15-ին տեղեկացրել է նախագահ Ալեքսանդր Լուկաշենկոյի մամուլի ծառայությանը մոտ կանգնած «Пул Первого» տելեգրամյան ալիքը, գրում է EADaily լրատվականը:

«Այսպիսով, Միշուստինը մեկնում է Մինսկ: Վաղը, առաջին հերթին, նա կհանդիպի նախագահի (այնուհետև ՝ վարչապետի) հետ: Չնայած, իհարկե, Գոլովչենկոն (Բելառուսի վարչապետ Ռոման Գոլովչենկոն) ներկա կլինի նաև գլխավոր հանդիպմանը», - ասվում է հաղորդագրության մեջ:

Հաղորդվում է, որ հանդիպումը  «նախատեսված է սկսել կեսօրին»: