Կորոնավիրուսի դեմ բոլոր պատվաստանյութերը ունեն շատ կարճ օգտագործման ժամկետ. Անահիտ Ավանեսյան

Այսօր Ազգային ժողովում պատգամավոր Թագուհի Թովմասյանը առողջապահության նախարար Անահիտ Ավանեսյանի հետ հարցուպատասխանի ժամանակ նկատեց, որ Հայաստանի Հանրապետություն ներկրված կորոնավիրուսային հիվանդության դեմ «AstraZeneca» պատվաստանյութի ժամկետը լրանում է մայիսի 30-ին:

 

Առողջապահության նախարար Անահիտ Ավանեսյանը նկատեց, որ կորոնավիրուսի դեմ բոլոր պատվաստանյութերն էլ ունեն շատ կարճ օգտագործման ժամկետ: «Այն, որ Հայաստան ժամանած պատվաստանյութն ունի 2 ամսից մի փոքր ավելի օգտագործման ժամկետ, լրիվ բավարար է: Հայաստան ներկրված «AstraZeneca» պատվաստանյութի օգտագործման ժամկետը մինչև մայիսի 31-ն է»,- ասաց նախարարը և ներկայացրեց, որ հանրության շրջանում պատվաստանյութերի և պատվաստումների վերաբերյալ իրազեկման մակարդակը բարձրանելու համար աշխատանքներ են տանում:

Անահիտ Ավանեսյանը հայտնեց նաև, որ մասնավոր ընկերությունները ևս հայտ են ներկայացրել, որ հնարավորություն ունենան ներկրելու և գործընթացին մասնակից լինելու: «Լիցենզիա ունեցող մասնավոր ընկերությունները՝ մեծածախ դեղագործական գործունեությամբ զբաղվելու իրավունք ունեցողները հայտ են ներկայացնում Առողջապահության նախարարություն՝ մատնանշելով և՛ պատվաստանյութի տեսակը, և՛ քանակը»,-ասաց նա և նշեց, որ մասնավոր ընկերությունները պետք է ստանան մեկանգամյա ներկրման թույլտվություն, հետո միայն կարող են օգտագործել պատվաստանյութերը՝ նախարարի կողմից հաստատված հստակ չափորոշիչների ներքո:

Մեկնաբանություններ
Լրահոս
Loading...
End of content.
No more posts to load.