Բաժին : Տնտեսություն/Բիզնես
«Ռուսաստանը կառուցում է սառցահատների ամենահզոր նավատորմն աշխարհում». Պուտին
Ռուսաստանը կառուցում է սառցահատների ամենահզոր նավատորմն աշխարհում: Ինչպես փոխանցում է «Ռեգնում» գործակալությունը, այս մասին ապրիլի 14-ին հայտարարել է ՌԴ նախագահ Վլադիմիր Պուտինը՝ ելույթ ունենալով Ռուսական աշխարհագրական միության հոգաբարձուների խորհրդի նիստում:
ՌԴ նախագահի խոսքով՝ Արկտիկայի հանդեպ ուշադրությունն անփոփոխ է, և Արկտիկյան խորհրդի վեց անդամ երկրները սերտորեն համագործակցում են կառույցի շրջանակում:
«Ռուսաստանը զբաղվում է սառցահատների՝ աշխարհում ամենահզոր նավատորմի կառուցմամբ, այդ թվում՝ այնպիսի հսկաների, ինչպիսին է «Լիդեր»-ը, որի նմանը դեռևս ոչ ոք չի կառուցել»,- ասել է Պուտինը:
Վերջինս հավելել է, որ դրա շնորհիվ առաջիկա տարիներին երթևեկությունը Հյուսիսային ծովի երթուղով կարող է իրականացվել ողջ տարվա ընթացքում:
