Բաժին : Տնտեսություն/Բիզնես
2021 թ. հունվար-փետրվար ամիսներին նախորդ տարվա համեմատ տնտեսական ակտիվության ցուցանիշը նվազել է 6.7%-ով. Արկադի Խաչատրյանը՝ Էկոնոմիկայի նախարարի երկնիշ տնտեսական աճի խոստման մասին
2021 թ. հունվար-փետրվար ամիսներին նախորդ տարվա համեմատ տնտեսական ակտիվության ցուցանիշը նվազել է 6.7%-ով, ֆեյսբուքյան իր էջում գրել է ՀՀ ԱԺ ֆինանսավարկային և բյուջետային հարցերի մշտական հանձնաժողովի նախագահ, «Լուսավոր Հայաստան» խմբակցության պատգամավոր Արկադի Խաչատրյանը՝ անդրադառնալով Էկոնոմիկայի նախարարի երկնիշ տնտեսական աճի խոստմանն ու նախօրեին արած գրառմանը:
Տնտեսական ակտիվության ցուցանիշը նվազել է 6.7%-ով,
Արդյունաբերական արտադրանքի ծավալը նվազել է 7.9%-ով,
Առևտրի շրջանառությունը նվազել է 11.3%-ով,
Ծառայությունների ծավալը նվազել է 12.5%-ով,
Արտաքին առևտրաշրջանառությունը կրճատվել է 12.2%-ով:
Նույնիսկ գիտակցելով նախորդ տարվա նույն ժամանակահատվածի համեմատ բազային էֆֆեկտը՝ հիշեցնեմ, որ ՀՀ կենտրոնական բանկը վերջերս վերանայել է ՀՀ տնտեսական աճի իր գնահատականը 2021թ. համար՝ նվազեցնելով այն 2%-ից 1.4%:
Ահա ՀՀ էկոնոմիկայի նախարարի այսօրվա գրառումը՝ երկնիշ տնտեսական աճի թիրախավորմամբ՝ ԱՌԱՆՑ ՄԵԿՆԱԲԱՆՈՒԹՅԱՆ»,- գրել է պատգամավորը:
