Բաժին : Հասարակություն
Մի՛ հավատացեք այն ամենին, ինչ կարդում կամ լսում եք համացանցում. Լևոն Քոչարյան
ՀՀ երկրորդ նախագահ Ռոբերտ Քոչարյանի որդին` Լևոն Քոչարյանը, ֆեյսբուքյան ուղիղ եթերում հերքել է իր մասին տարածված կեղծ տեղեկությունը, թե, իբր, ինքն այդ պահին պարում է «Ֆլորենս» ռեստորանում:
Նա նշել է, որ այսօր տեղի է ունեցել լուսահոգի երգչուհի Վարդուհի Վարդանյանի որդու` Ռուբենի պսակադրության արարողությունը, որին մասնակցել է կնոջ` Սիրուշոյի հետ:
Քոչարյանի խոսքով` լինելով զույգի քավորը` չի մասնակցել հարսանեկան խնջույքին:
«Մի՛ հավատացեք այն ամենին, ինչ կարդում կամ լսում եք համացանցում, որովհետև այդ սուտը, կեղծիքը կործանել են շատերին»- հավելել է նա: