Եվրապատգամավորը հարց է ուղղել Եվրահանձնաժողովին Շուշիի հայկական եկեղեցու վրա հարձակումների մասին՝ պահանջելով ապահովել կրոնական կոթողների պաշտպանությունը

Եվրախորհրդարանի անդամ Լուկաս Ֆուրլասը գրավոր տեսքով հրատապ հարց է ուղղել Եվրահանձնաժողովին ադրբեջանական զինված ուժերի կողմից Շուշիի հայկակայն եկեղեցու վրա իրականացված հարձակումների մասին: Այս մասին հայտնում է Horizon Weekly-ն՝ հղում անելով եվրապատգամավորի թվիթերյան էջին:

Իր գրառման մեջ Ֆուրլասը նշել է, որ դատապարտում է թուրքական զինված ուժերի կողմից աջակցություն ստացող ադրբեջանական բանակի գործողությունները: Վերջինս գրավոր դիմումով պահանջել է միջոցներ ձեռնարկել քաղաքացիների և կրոնական նշանակության կոթողների պաշտպանության համար:

Եվրապատգամավորը շեշտել է, որ ըստ Human Rights Watch իրավապաշտպան կազմակերպության տվյալների՝ Ադրբեջանի զինված ուժերը երկու անգամ հարձակում են գործել Ղազանչեցոց եկեղեցու վրա  2020 թվականի հոկտեմբերի 8-ին: Վերջինս հարց է ուղղել՝ արդյո՞ք ԵՄ-ն մտադիր է քայլեր ձեռնարկել պաշտպանելու համար քաղաքացիներին և եկեղեցիները:

Մեկնաբանություններ
Լրահոս
Loading...
End of content.
No more posts to load.