Գյումրու Երևանյան խճուղում բախվել են «Mercedes-Benz E» և «BMW X5» մակնիշների ավտոմեքենաները. կա տուժած

Նոյեմբերի 28-ին, ժամը 15:51-ին Շիրակի մարզային ճգնաժամային կառավարման կենտրոն տեղեկություն է ստացվել, որ Գյումրի քաղաքի թիվ 28 հիմնական դպրոցի մոտակայքում տեղի է ունեցել ՃՏՊ․ կա տուժած։ Այս մասին տեղեկացնում է ԱԻՆ-ը:

Պարզվել է, որ Երևանյան խճուղու թիվ 91 հասցեում՝ թիվ 28 հիմնական դպրոցի դիմաց, բախվել են «Mercedes-Benz E» (վարորդ` Աշոտ Ա., ծնված 1990 թ.) և «BMW X5» (վարորդ՝ Արտյոմ Ղ․, ծնված 1977 թ․) մակնիշների ավտոմեքենաները:

Փրկարարները հոսանքազրկել են և փակել «Mercedes-Benz E» մակնիշի ավտոմեքենայի գազի բալոնի փականը: