Բաժին : Աշխարհ/Տարածաշրջան
Բայդենի հաղթանակը կարող է շահեկան չլինել Թուրքիայի համար․ Ekathimerini
ԱՄՆ-ում շարունակվում է նախագահական ընտրությունների արդյունքների ամփոփման գործընթացը, և չնայած դեմոկրատ Ջո Բայդենը հայտնել է իր հաղթանակի մասին, գործող նախագահ Դոնալդ Թրամփը վիճարկում է այդ հայտարարությունը, գրում է հունական Ekathimerini թերթը։
Հոդվածագիր Յան Բրեմմերը կարծում է, որ Չինաստանն այս օրերին չեզոք դիրք կգրավի՝ գիտակցելով, որ հակաչինական տրամադրությունն այն եզակի հարցերից է, որը միավորում է ԱՄՆ-ի շատ քաղաքական գործիչների, սակայն որոշ չինացի քաղաքական գործիչներ հույս ունեն, որ Պեկինը կկարողանա ավելի կառուցողական հարաբերություններ հաստատել Ջո Բայդենի հետ:
Հոդվածագիրը նշում է, որ Բայդենի հաղթանակը ոչ շահեկան կարող է լինել Թուրքիայի համար։
Նրա կարծիքով՝ հավանական է, որ Բայդենը ավելի կոշտ դիրքորոշում կորդեգրի Թուրքիայի նկատմամբ: Այս հեռանկարը կարող է «կարճաժամկետ հեռանկարում Էրդողանին ավելի հուսահատ և աչալուրջ դարձնել»։
