Բաժին : Քաղաքականություն
Նիկոլի ապիկար, ապաշնորհ ու դավաճանական իշխանության դառը պտուղները երկար են հիշվելու, այս 2,5 տարին դառը դաս է լինելու, որից հետևություններ պետք է անի ՀՀ և Արցախի յուրաքանչյուր քաղաքացի․ Ա․ Զաքարյան
ՀՀ պաշտպանության նախկին փոխնախարար Արտակ Զաքարյանը ֆեյսբուքյան գրառում է արել, որում ասվում է․
Այն, ինչ բերեց Նիկոլը մեր պետության ու ժողովրդի գլխին, ոչ մի կերպ համակերպվել չի լինելու: Ես հավատում եմ մեր ժողովրդի կենարար ուժին, նրա իմաստությանը: Մենք ուղղելու ենք մեր մեջքը, գոտեպնդելու ենք մեր ոգին և ոտքի ենք կանգնեցնելու Նիկոլի ծնկի բերած Հայաստանն ու Արցախը: Մենք թույլ չենք տալու, որպեսզի մեր թշնամիները երկար «վայելեն» իրենց վայրենի խրախճանքը: Փոխվում է աշխարհը, փոխվում են նաև նրա պահանջները:
Նիկոլի ապիկար, ապաշնորհ ու դավաճանական իշխանության դառը պտուղները երկար ժամանակ են հիշվելու, և ուզում եմ հավատալ, որ այլևս երբևէ չեն կրկնվելու ապագա Հայաստանում ու Արցախում: Այս 2,5 տարիները դառը դաս է լինելու, որից հետևություններ պետք է անի Հայաստանի ու Արցախի յուրաքանչյուր քաղաքացի:
Երիցս իրավացի է Պարույր Սևակը.
«…Իսկ զորանում է մեր խելքը որտե՞ղ:
-Ո՛չ գանգում,
Այլ մեր վերքերո՜ւմ»»։