Հարավում շրջանները կորցնելուց հետո հրաման է տրվել շրջափակել և ոչնչացնել թշնամուն, ինչի արդյունքում հարավային կորպուսը ոչնչացվել է, այս հրամանին է, որ խառնվել է վարչապետի տիկինը. Հ. Բագրատյան

Մեր պարտությունն անուն էլ ունի, ազգանուն էլ ունի՝ Նիկոլ Փաշինյան է. այս մասին հրավիրված ասուլիսին հայտարարեց ՀՀ նախկին վարչապետ Հրանտ Բագրատյանը:

Նրա խոսքով՝ պատերազմում կրած պարտության  պատճառ են նաև կազմակերպչական հարցերը: «Թիկունքը խայտառակ բան էր, կարող եմ ասել ավելի վատ կազմակերպված՝ քան 27 տարի առաջ: Շատ կարևոր է, որ բանակը կուշտ է, ծխախոտն ունի ու տաք է: Ես չէի կարող պատկերացնել բանակի կեսից ավելին «բրոնի ժիլետներ» չուներ, 93-ին նույնիսկ ունեինք, եթե զինվորը  սաղավարտ ու «բրոնի ժիլետ» չունի … զոհերի իննսուն տոկոսը դրանց բացակայության արդյունք էր. այսպես նվաստացնե՞լ բանակ, այս օրին հասցնե՞լ: Մեր զինվորը թուրք չի տեսել, տեսել է «բայրաքթար»»,- շեշտեց նա:

Նա նշեց, որ պատերազմական սխալներից էր նաև կադրային ընտրությունները: «Իր գիժ, գժական ընտրությունները, ասենք՝Գրիգորի Խաչատուրովը Յուրի Խաչատուրովի որդին է պետք է նեղեք իրեն, Օնիկ Գասպարյանը իջևանցի է, պետք է բարձր լինի: Այսինքն՝ սա հետևանքն էր այս գժական, կիսահիվանդագին մոտեցումների»,- ընդգծեց նա:

Նա նշեց, որ պատերազմը հարավից են սկսել ադրբեջանցիները, որովհետև հարթ է այնտեղ, ԱԹՍ-ները կարող են, աշխատում են: «Հարավում երկու պատճառ ունեին կռվելու՝ տեղանքը և հանքը: Այնտեղ են Ասկերանի ոսկու հանքերը: Հարավային կորպուսը պետք է ավելի ուժեղ լիներ: Ձախողումներից հետո հրաման է տրվում հակագրոհել, շրջափակել, ոչնչացնել թշնամուն: Պատերացրեք՝ դա ինչ է, ես պատկերավոր թվերով ասեմ՝ ինչպե՞ս կարող է 1000 հոգին 10 000 հոգու շրջափակել, կատարյալ անասուն պետք է լինես նման հրաման տալու համար: Այդ հրամանին է, որ խառնվել է վարչապետի տիկինը: Սենց օպերացիա են անո՞ւմ: Եվ հարավային կորպուսը ոչնչանում է: Այս ձևի ղեկավարություն ունեք՝ Նիկոլ Փաշինյան, Արմեն Սարգսյան, էս ո՞նց ընտրեցիք սրանց. խափող, գցող ընտրեցիք, դե տեսեք այս բոլոր որոշումներն ովքեր են արել՝ Արմեն Սարգսյան, Նիկոլ Փաշինյան, Օնիկ Գասպարյան, Դավիթ Տոնոյան, Անդրանիկ Քոչարյան, Վաղարշակ Հարությունյան»,- ասաց նա:

Հրանտ Բագրատյանը հարց բարձրացրեց՝ Աննա Հակոբյանն ի՞նչ գործ ուներ մասնակցեր այդ նիստերին, շտաբի պետը Աննա Հակոբյանին տեսնելուն պես պետք է դուրս հրավիրեր:

«Նա ի՞նչ գործ ուներ այդ նիստերին գնար: Այո, նա նիստերին եղել է:Սա  /Նիկոլ Փաշինյանը խմբ / դե գլխի մեջ դատարկ է չէ՞, առանց հասկանալու, թե ինչ է կատարվում Ջեբրայիլում, որ մեր դեմը 6-7 ադրբեջանակն դիվիզիա ունենք ասել է ՝ հետ շպրտել, գրոհել, շրջափակել, ոչնչացնել»,- պատմեց Բագրատյանը:

Բագրատյանը հավելեց, որ այդ մարդիկ հիմա իրենց լավ են զգում: Նրա խոսքով՝ այս շոկը կտևի 30-40 տարի մեր կյանքում, սրա տակից պետք է  կարողանանք դուրս գալ, պետք է քաջ սերունդ դաստիարկենք նորից:

Մեկնաբանություններ
Լրահոս
Loading...
End of content.
No more posts to load.