Բաժին : Աշխարհ/Տարածաշրջան
«Պուտինը Շոյգուի օգնությամբ կանխել է Ռուսաստանում պետական հեղաշրջման փորձը»․ ռուս տնտեսագետ
Հայտնի ռուս տնտեսագետ Միխայիլ Խազինը հայտնել է, որ դեռևս այս տարվա գարնանը ՌԴ նախագահ Վլադիմիր Պուտինը Ռուսաստանում պետական հեղաշրջման փորձ է կանխել։ Իսկ այդ հարցում նրան օգնել է ՊՆ նախարար Սերգեյ Շոյգուն։
Տնտեսագետ Միխայիլ Խազինը Царьград ТВ-ի եթերում ՌԴ նախագահ Վլադիմիր Պուտինի հիվանդության մասին բրիտանական և ամերիկյան պարբերականներում հրապարակվող նյութերը, ինչպես նաև սպասվող պաշտոնանկությունների մասին ասեկոսեները կապել է քաղաքական մեծ խաղի հետ: Ընդ որում, տնտեսագետի կարծիքով՝ այդ խաղը վարում է հենց Պուտինը՝ իր շրջապատում դավաճաններին բացահայտելու համար։
Միխայիլ Խազինը նաև նշել է, որ Պուտինը փորձում է ազատվել այսպես կոչված «լիբերալ տնտեսական բլոկից»։ Այս խմբի անդամների թվում են նաև Կենտրոնական բանկի ղեկավար Էլվիրա Նաբիուլինան և Ռուսաստանի ֆինանսների նախարար Անտոն Սիլուանովը:
Խազինի կարծիքով՝ Պուտինի քաղաքական մեծ խաղը կավարտվի «էլիտաների զտմամբ»։
Տնտեսագետը նաև վստահեցրել է, որ գարնանը Պուտինը ՊՆ նախարար Շոյգուի հետ կարողացել է պետական հեղաշրջման փորձ կանխել։
«Կարծում եմ, որ ապրիլին և մայիսին պետական հեղաշրջման փորձ է եղել»,- ասել է նա՝ հրաժարելով նշել «հակապուտինյան սխեմայի մասնակիցների անուները»։