Թուրքական լիրան դոլարի նկատմամբ ռեկորդային նվազագույն ցուցանիշ է գրանցել. Bloomberg

Թուրքական արժույթը հոկտեմբերի 22-ին ռեկորդային նվազագույն ցուցանիշ է գրանցել մեկ դոլարի նկատմամբ հասնելով 7,97 լիրա ցուցանիշի, գրում է Bloomberg գործակալությունը։

Վերլուծաբանների կարծիքով՝ այն շարունակում է իր անկումը դեպի ԱՄՆ մեկ դոլարի նկատմամբ աննախադեպ 8 լիրա ցուցանիշը։

Ավելի վաղ Bloomberg-ը Թուրքիայի ազգային արժույթի արժեզրկումը կապել էր այն մտավախությունների հետ, որ Անկարան կարող է ներքաշվել Ադրբեջանի և Հայաստանի միջև հակամարտության մեջ: