Բաժին : Պատահարներ
Սոթք գյուղում բախվել են «ԶԻԼ» և «BMW X5» մակնիշների ավտոմեքենաները․ վարորդներից մեկը հոսպիտալացվել է Վարդենիսի ԲԿ, նրա առողջական վիճակը գնահատվում է բավարար
Սեպտեմբերի 29-ին, ժամը 18:15-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Սոթք գյուղում տեղի է ունեցել ՃՏՊ, կան տուժածներ։ Այս մասին տեղեկացնում է ԱԻՆ-ը։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Սոթք գյուղում բախվել են «ԶԻԼ» և «BMW X5» մակնիշների ավտոմեքենաները․ «BMW X5» մակնիշի ավտոմեքենայի ուղևոր Էդվարդ Պ․-ն (ծնված 1988 թ.) հոսպիտալացվել է Վարդենիսի ԲԿ, որտեղ բժիշկները նրա առողջական վիճակը գնահատել են բավարար:
Փրկարարները հոսանքազրկել են ավտոմեքենաները և փակել գազի բալոնների փականները:
