Բաժին : Լուրեր
Դատարանը երկրորդ անգամ է վերադարձնում «Մարտի 1»-ի գործով տուժողների իրավահաջորդների ներկայացրած հայցադիմումը
Երևանի ընդհանուր իրավասության դատարանը՝ դատավոր Դիանա Հովհաննիսյանի նախագահությամբ, երկրորդ անգամ է վերադարձրել «Մարտի 1»-ի գործով տուժողների իրավահաջորդների հայցադիմումը՝ ընդդեմ «5-րդ ալիք» հեռուստաընկերության և «Այլընտրանք» ՀԿ համանախագահ Նարեկ Մանթաշյանի։
«Փաստինֆո»-ն ավելի վաղ հայտնել էր, որ հայցադիմում են ներկայացրել Գոռ Քլոյանի, Արմեն Ֆարմանյանի, Տիգրան Աբգարյանի, Տիգրան Խաչատրյանի, Սամվել Հարությունյանի Զաքար Հովհաննիսյանի, Հովհաննես Հովհաննիսյանի, Դավիթ Պետրոսյանի իրավահաջորդ Գրիգորի Գևորգյանի իրավահաջորդները՝ պահանջելով պատվին և արժանապատվությանը պատճառված վնասի հատուցում։
Նշենք, որ հայցադիմումն արդեն երկրորդ անգամ էր ներկայացվել, որը, ինչպես և նախորդը վերադարձվել է՝ խախտումների առկայության պատճառով։