Վարդենիսի հիվանդանոցն ու հոսպիտալը չեն միավորվի. ինչու կառավարությունը հետ կանգնեց. «Ժողովուրդ»

«Ժողովուրդ» թերթը գրում է. «Վարդենիսի քաղաքային հիվանդանոցն ու կայազորային հոսպիտալը չեն միավորվի: Գեղարքունիքի մարզպետ Գնել Սանսոյանը «Ժողովուրդ» օրաթերթի հետ զրույցում հայտարարեց, թե քննարկումներից հետո, կորոնավիրուսային իրավիճակով պայմանավորված, եկել են այն եզրակացության, որ ավելի նպատակահարմար է միավորել Վարդենիսի հիվանդանոցն ու պոլիկլինիկան և ունենալ ավելի մեծ քաղաքացիական հիվանդանոց:

 

 

Ավելին, Գնել Սանոսյանն արդեն համապատասխան առաջարկն արել է կառավարությանը, և հոսպիտալի ու հիվանդանոցի միավորման գործընթացը կասեցվել է: Նկատենք՝ հիվանդանոցի ու հոսպիտալի միավորման հարցը քննարկվում էր դեռ վաղուց, անգամ այս տարվա մարտի 4-ին ՀՀ առողջապահության նախարար Արսեն Թորոսյանն Արցախ այցելելիս մտել էր Վարդենիսի հիվանդանոց և հայտարարել, որ միավորումն էֆեկտիվ է ու պետք է լինի: Սակայն ինչպես հայտարարեց Գնել Սանոսյանը, քննարկումների արդյունքում այլ եզրակացության են եկել։

«Կորոնավիրուսային իրավիճակը մեզ թույլ տվեց այլ եզրահանգումներ անել ու այլ ուղղությամբ փոխել մեր ծրագրերը, և մենք ցանկանում ենք հիվանդանոցն ու պոլիկլինիկան վերամիավորել և պահել որպես քաղաքային հիվանդանոց», – նշեց նա»:

Մանրամասն կարդացեք թերթի այսօրվա համարում:
Մեկնաբանություններ
Լրահոս
Loading...
End of content.
No more posts to load.