Գլխավոր դատախազի տեղակալը թոշակի է անցնում. նա ազատման դիմում է գրել

ՀՀ դատախազի տեղակալ Արմեն Հարությունյանը աշխատանքից ազատման դիմում է ներկայացրել։

Տեղեկությունը ՀԺ-ի հետ զրույցում հաստատեց ՀՀ գլխավոր դատախազի խորհրդական Գոռ Աբրահամյանը:

Հարցին, թե որն է ազատման պատճառը, Աբրահամյանն ասաց, որ Հարությունյանը կենսաթոշակի անցնելու կապակցությամբ պաշտոնից ազատվելու դիմում է ներկայացրել, որը հարգվել է:

 

Հարությունյանը ՀՀ գլխավոր դատախազի տեղակալի պաշտոնը զբաղեցնում էր 2015 թվականից: Մինչ այդ նա զբաղեցնում էր ՀՀ քննչական կոմիտեի նախագահի տեղակալի պաշտոնը: շ

Նա ունի արդարադատության 2-րդ դասի պետական խորհրդականի դասային աստիճան: