Բաժին : Կարևոր
Դատախազությունը բողոքարկել է Ռոբերտ Քոչարյանին 2 միլիարդ դրամ գրավի դիմաց ազատ արձակելու որոշումը
Երեկ ՀՀ գլխավոր դատախազությունը վճռաբեկ բողոք է ներկայացրել Մարտի 1-ի գործով ամբաստանյալ Ռոբերտ Քոչարյանին 2 միլիարդ դրամ գրավով ազատելու Վերաքննիչ դատարանի որոշման դեմ:
Այս մասին ՀԺ-ի հարցին ի պատասխան ասաց ՀՀ գլխավոր դատախազի խորհրդական Գոռ Աբրահամյանը՝ հավելելով, որ բողոքն արդեն մուտքագրվել է ՀՀ վճռաբեկ դատարան։
Հիշեցնենք, որ հունիսի 18-ին ՀՀ վերաքննիչ քրեական դատարանը դատավոր Արսեն Նիկողոսյանի նախագահությամբ մասնակի բավարարել էր մոտ մեկ տարի անընդմեջ կալանքի տակ գտնվող Քոչարյանի պաշտպանների դիմումը եւ 2 միլիարդ դրամ գարվի դիմաց ազատ արձակելու որոշում կայացրել: Գրավի չափը պաշտպանական կողմը աննախադեպ էր որակել: Այնուամենայնիվ, գրավը դատարանի դեպոզիտ հաշվին վճարելուց հետո Քոչարյանն ազատ է արձակվել: Ըստ Քոչարյանի գրասենյակի հաղորդագրության՝ 2 մլրդ դրամ գրավը վճարվել է հանրահայտ խոշոր գործարարների և բարերարների, ինչպես քաղաքացիների աջակցությամբ։