Բաժին : Պատահարներ
Դանակով զինված ու դիմակավորված ավազակային հարձակում՝ Արթիկում. տուժողը կրել է 1 մլն դրամի վնաս
Երեկ` ապրիլի 22-ին, հերթական դիմակավորված ավազակային հարձակումն է տեղի ունեցել Շիրակի մարզում։ Ժամը 01։00-ի սահմաններում Արթիկ քաղաքի Իսահակյան փողոցի բնակիչ՝ 31-ամյա Արմեն Ա-ն իրեն պատկանող Opel մակնիշի ավտոմեքենան տան դիմաց կայանելիս է եղել։ Երբ հետևի նստատեղից պայուսակը վերցրել է ու շրջվելով՝ այդ պահին իրեն են մոտեցել դիմակավոված 2 անձ ու դանակի սպառնալիքով հափշտակել պարանոցի ոսկյա շղթաներն ու թևնոցը։
Ինչպես հայտնում է ֆոտոլրագրող Գագիկ Շամշյանը, ճիվաղներն իրենց սև գործն ավարտելուց հետո դիմել են փախուստի, սակայն այդ ընթացքում վնասել են նաև Արմեն Ա-ի ձախ ձեռքը։
Վերջինս կրել է մոտ 1 մլն դրամի վնաս։
Դեպքի վայր են ժամանել ոստիկանության Արթիկի բաժնի օպերատիվ խումբը՝ բաժնի պետ Միմո Մխիթարյանի գլխավորությամբ։
Փաստի առթիվ ոստիկանության Արթիկի բաժնում ավազակային հարձակում կատարելու հատկանիշներով նյութեր են նախապատրաստվում։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ինչպես հայտնում է ֆոտոլրագրող Գագիկ Շամշյանը, ճիվաղներն իրենց սև գործն ավարտելուց հետո դիմել են փախուստի, սակայն այդ ընթացքում վնասել են նաև Արմեն Ա-ի ձախ ձեռքը։
Վերջինս կրել է մոտ 1 մլն դրամի վնաս։
Դեպքի վայր են ժամանել ոստիկանության Արթիկի բաժնի օպերատիվ խումբը՝ բաժնի պետ Միմո Մխիթարյանի գլխավորությամբ։
Փաստի առթիվ ոստիկանության Արթիկի բաժնում ավազակային հարձակում կատարելու հատկանիշներով նյութեր են նախապատրաստվում։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
