Բաժին : Հասարակություն
Միքայել Մինասյանին կալանավորելու միջնորդությունը կքննի Արտուշ Գաբրիելյանը
Վատիկանում ՀՀ նախկին դեսպան, ՀՀ երրորդ նախագահ Սերժ Սարգսյանի փեսա Միքայել Մինասյանի նկատմամբ կալանավորումը որպես խափանման միջոց ընտրելու մասին քննիչի միջնորդությունը մակագրվել է Երևանի ընդհանուր իրավասության դատարանի դատավոր Արտուշ Գաբրիելյանին: Այս մասին «Փաստինֆո»-ն տեղեկացավ փաստաբան Ամրամ Մակինյանից:
Ինչպես ավելի վաղ տեղեկացրել ենք՝ Միքայել Մինասյանը որպես մեղադրյալ է ներգրավվել ՊԵԿ-ի քննչական վարչությունում քննվող քրեական գործի շրջանակներում ապօրինի հարստացման, փողերի լվացման և հայտարարագրում կեղծ տվյալ ներկայացնելու համար: Վարույթն իրականացնող մարմինը միջնորդություն է ներկայացրել դատարան՝ Մինասյանի նկատմամբ որպես խափանման միջոց կալանավորումն ընտրելու համար:
Ա.Գաբրիելյանը ամենացածր վարկանիշ ունեցող դատավորներից է, այս պահին նրա վարկանիշն է 8 միավոր։