Բաժին : Իրադարձային
Գեորգի Կուտոյանի դիակի վրա բռնության հետքեր չեն հայտնաբերվել
ԱԱԾ նախկին տնօրեն Գեորգի Կուտոյանի դիակի վրա բռնության հետքեր չեն հայտնաբերվել։ Այս մասին «Փաստինֆո»-ի հարցին ի պատասխան ասաց ՔԿ հասարակայնության հետ կապերի բաժնի պետի պաշտոնակատար Նաիրա Հարությունյանը։
«Փորձաքննությունների եզրակացությունները չեն ստացվել։ Դիակի արտաքին զննությամբ բռնության հետքեր չեն հայտնաբերվել»,-նշեց Նաիրա Հարությունյանը։
Հիշեցնենք, որ հունվարի 17-ին Երևանի Պարույր Սևակի փողոցի բազմաբնակարան շենքերից մեկում` իր բնակարանում, հայտնաբերվել է Գեորգի Կուտոյանի դին` հրազենային վնասվածքով:
Դեպքի առթիվ հարուցվել է քրեական գործ ՀՀ քրեական օրենսգրքի 110-րդ հոդվածի 1-ին մասով:
Հեղինակ՝ Հասմիկ Կոշկարյան