Բաժին : Հասարակություն
Ոստիկանական օպերացիա Երևանում. «Ջերմուկ Գրուպ»-ի նախագահի օգնականից խոշոր չափի գումար շորթելու պահին բռնվել է շորթող՝ 37–ամյա կինը.
SHAMSHYAN.com-ի տեղեկություններով՝ երեկ՝ հունվարի 17-ին, ոստիկանության Երևան քաղաքի վարչության քրեական հետախուզության բաժնի ծառայողերը՝ վարչության պետ Գարիկ Ղուկասյանի, վարչության պետի օպերգծով տեղակալ Ալիկ Մամիկոնյանի, քրեական հետախուզության բաժնի պետ Վահե Մուշեղյանի գլխավորությամբ, համագործակցելով ոստիկանության Արարատի մարզային վարչության՝ վարչության պետի ժամանակավոր պաշտոնակատար Արթուր Զաքարյանի գլխավորությամբ, ոստիկանության Քանաքեռ-Զեյթունի բաժնի քրեական հետախուզության բաժանմունքի ծառայողները՝ բաժնի պետ Ռուբեն Նավասարդյանի, բաժնի պետի օպերգծով տեղակալ
Արման Հովհաննիսյանի գլխավորությամբ, ձեռնարկված օպերատիվ-հետախուզական միջոցառումների արդյունքում Քանաքեռ-Զեյթուն վարչական տարածքում քաղաքացուց խոշոր չափի շորթում կատարելու պահին տաք հետքերով բռնել և Քանաքեռ-Զեյթունի ոստիկանություն են բերման ենթարկել 37-ամյա Լիլիթ Դավթյանին: Գ. Շամշյանի տեղեկություններով՝ վերջինս մի քանի անգամ շորթման եղանակով գումար էր ստացել «Ջերմուկ Գրուպ» փակ բաժնետիրական ընկերության նախագահի օգնական Տիգրան Հովակիմյանից:
Երեկ՝ հունվարի 17-ին, Լ. Դավթյանը եղել է իր վարած KIA մակնիշի 50 CQ 150 համարանիշի ավտոմեքենայով և գումարը ստանալիս այն նախօրոք եղել է փորձագետի կողմից մշակված, որը հայտնաբերվել է Լ. Դավթյանի ավտոմեքենայի մեջ: Ավտոմեքենան տեղափոխվել է ոստիկանության Քանաքեռ-Զեյթունի բաժնի պահպանվող հատուկ տարածք:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
