Բաժին : Լուրեր
Սիրիայի հյուսիսում երեք ռուսաստանցի զինծառայող է վիրավորվել
Սիրիայի հյուսիսում տեղի ունեցած պայթյունի հետևանքով Ռուսաստանի ռազմական ոստիկանության երեք ծառայող է վիրավորվել: Այդ մասին հաղորդում է Ռուսաստանի պաշտպանության նախարարությունը:
Ռազմական գերատեսչության տեղեկություններով՝ միջադեպը տեղի է ունեցել թուրք-սիրիական սահմանին գտնվող քրդաբնակ Քոբանի քաղաքի մերձակայքում, երբ ռուսաստանցի զինվորականները պարեկային հերթապահություն էին իրականացնում:
«Զրահամեքենայի պայթեցման հետևանքով ռուսաստանցի զինվորականները թեթև վնասվածքներ և սալջարդեր են ստացել, նրանց կյանքին վտանգ չի սպառնում», - նշված է Ռուսաստանի պաշտպանության նախարարության հայտարարության մեջ:
